ფინეთის პრეზიდენტი ალექსანდრე სტუბი აცხადებს, რომ ჩრდილოატლანტიკური ალიანსის შემდეგი გენერალური მდივანი ნიდერლანდების პრემიერ-მინისტრი მარკ რუთე გახდება.
„თითქმის დარწმუნებული ვარ, რომ რუთე ნატო-ს შემდეგი გენერალური მდივანი გახდება“, – განაცხადა ფინეთის პრეზიდენტმა.
როგორც მან აღნიშნა, რუთეს არჩევა კარგი ნაბიჯი იქნება როგორც მოკავშირეებისთვის, ასევე მთელი ევროპისთვის.
„მას აქვს ძლიერი ტრანსატლანტიკური კავშირები, ნიდერლანდების პრემიერ-მინისტრი 13 წლის განმავლობაში იყო, დიდ პატივს სცემენ“, – განაცხადა ალექსანდრე სტუბმა.
ინფორმაციისთვის, იენს სტოლტენბერგს ალიანსის გენერალური მდივნის პოსტზე უფლებამოსილება წელს უმთავრდება. ნატო-ს გენერალური მდივანი წევრი ქვეყნების კონსენსუსით ირჩევა.
